Categories
Category: Projects
كان تحدي جديد ليا لما اتحطيت في مشروع كنت مسؤول فيه عن تجميع وتنظيم كميات مهوله من المعلومات وتنظيمها في مجموعات عشان يتم عرضها بطريقة جميله ومبهره لاول مرة في تاريخ ال Enormous Big Data
وأحد اهم واشهر مواقع تصميم ال Interactive presentations كتب عن التجربه دي ونجاحها
الحمد لله الذي بنعمته تتم الصالحات اني خدت فرصه اني اكون جزء من مشروع كبير بالشكل دا.
http://www.ventuz.com/showcases/ventuz-used-enormous-big-data-installation-iotwf
Categories
Qatar Airways Stand and opening ceremony
My iPad app was used by Qatar Airways CEO to reveal the Qatar Airways stand for ITB 2016 in Berlin.
Categories
Qatar Airways interactive solutions
1-iPad app to show case Qatar Airways Promotional Videos at ITB 2016 in Berlin .
2-Touch screen app to show case all Qatar Airways Destinations used by Qatar Airways flight attendants . beautifully designed and Implemented by#Eventagrate team.
Categories
STEP Conference 2016
attending STEP Conference 2016 at Dubai International Marine Club in Mina Seyahi. April 2016
Categories
تجهيز حملة نستلة الدعائية
الحمد لله الذي بنعمته تتم الصالحات
قمت اليوم بانهاء ١٥ نسخه مبدئية”prototype” من جهاز قياس المسافات والاستشعار عن بعد “ATN003” وسوف يتم شحنة وتركيبه في اجهزة نستلة الدعائية في دبي ، ابوظبي ، الدوحة ،جدة ،الرياض و بيروت .
يتصل الجهاز ببرنامج كمبيوتر عن طريق البلوتوث قمت بتصميمة وبرمجته بالاضافة لبرمجة وتركيب الهاردوير .
ملحوظة : ATN اختصار Ahmed T.Nabarawy
Categories
جهاز اعتراض الاشارت السلكية
مهندس برمجيات حاصل على بكالوريوس طب يقوم باختراع جهاز يستطيع اعتراض الاشارات السلكية وفك شفرتها ومحاكاه اشارات المصدر والتحكم فيها لاسلكيا عن طريق البلوتوث ، ويمكن إستخدام الجهاز في توليد الطاقة الكهربية من قشر الموز .
#المخترع_الطبيب
All kidding aside , my first note worthy hardware creation , Cat5 Signal Interruptor ,Translator and repeater through Microcontroler ,custom circuitboard , Bluetooth shield abd c++ software .
Categories
حلقة دبي للتزحلق و حملة نيدو
شركة نستلة من الشركات المتميزة جداً في مجال الدعايا لمنتجاتها وعندهم فريق كبير كل شغلتة انه يفكر في افكار جديدة ومبتكرة للتسويق لمنتجاتها ، بس معندهمش فريق لتنفيذ الافكار دي عشان كدا بيتعاقدو مع شركات تانية تنفذ الافكار بتاعتهم.
كان ليا الشرف اني أكون المنفذ لأحد الأفكار دي .
نستلة كان عندهم فكرة للناس اللي بتشتري لبن نيدو لأطفالهم ، كانت عايزة تجذبهم بطريقة تخليهم يوعدو انهم يفضلو يستخدمو لبن نيدو لغايه ما اطفالهم يتمو ٣ سنين ، طب يخلوهم يوعدو ازاي ؟ قالك هنجمع توقيعات الناس اللي عندهم استعداد يوعدو بكدا وفي المقابل كل واحد يوعد الشركة تقدم ٧ كوبايات لطفل محتاج .
طب يجمعو الوعود دي ازاي ؟
عملتلهم ابليكيشن عالايباد ، يخلي الاباء او الامهات يتصورو سيلفي مع القلب الدهبي اللي هو اللوجو بتاع نيدو ويكتبو اسمهم وايميلهم وبكدا يبقى وعدو .
وفي عداد بيعد عدد الناس اللي وعدو وفي نفس الوقت الصورة السيلفي دي بيتعمل عليها تعديل بالبرمجة بحيث انها تندمج جوة صورة الوجو نفسة وتظهر عالشاشة وتتبعتلهم عالايميل ،
لجذب اكبر عدد من الناس تم تأجير حلقة التزحلق عالجليد في دبي مول يوم عيد الأم وجذب الاطفال بالعاب مختلفه وجلسات تصوير وحاجات تانيه كتير وطبعاً كله ببلاش
الصور من المول يوم الحفلة والابليكيشن اللي انا عملته الناس واقفة طوابير عشان تاخد الوعد وتتصور وتشوف صورتها على الشاشة الكبيرة.
الحمد لله قمت بتنفيذ وبرمجة الابليكيشن وبرمجة السيرفر لاستقبال الصور وارسال الايميلات وتم ايضاً عمل ابليكيشن لعرض الصور ودمجها مع اللوجو وتحريكها على الشاشه وعرض عداد الوعود (pledge counter) على شاشة ٣متر*٣متر على المسرح . وايضا على ٢ تليفيزيون ٨٠ بوصة
والظريف في الموضوع اني كنت بوصل الايباد بالتليفيزيون والشاشه اللي عالمسرح لعرض المحتوى ودي حاجة جديدة بالنسبة لفنيين الصوت والصورة لانهم متعودين يوصلو لابتوبات لان شاشة الايباد مش fullHd بس المبرمج الشاطر يعرف يوصل لانه يعدل على الشاشة اللي بيعرضها الايباد لو متوصل بشاشة خارجية ويعدلها انها تبقى اي حاجة مش شرط تبقى نفس الصورة اللي معروضه عالايباد اصلاً ويبقى الايباد مجرد كمبيوتر صغير بيشغل الكود اللي انت منزله علية عشان يعرض الحاجة على الشاشات الكبيرة او التليفيزيون .
تم جمع اكتر من ٤٠٠٠ وعد في اليوم دا ! واكتر من ٦٢٠٠ اجمالياً .
جاري توزيع الابليكيشن على البحرين-لبنان-الكويت لجمع اكبر عدد من الوعود .
الحمد لله حمداً كثيراً على انه ادالي الفرصه ووضعني في المكان الي اقدر فيه اساهم بحاجة زي كدا .
Categories
Eventaform منظم الحفلات
صورة للابليكيشن Eventaform اللي انا عملته السنة اللي فاتت بيستخدمه منظمين/ات الاحتفالات لتسجيل دخول المدعوين وتنظيم الحضور، الصورة من حفلة نظمتها شركة بورش للسيارات .
Categories
Nissan Maxima X-Ray
اما عملت برنامج Nissan X-Ray كان مش مجرد شغل برمجة بس ، كان في جزء كهربا و Microcontroller و sensors والجزء دا مكانش عندي خلفيه عنه ، فروحت في فترة التجهيز للمشروع قريت كتابين واحد عن الدواير الكهربيه وواحد عن الميكروكنترولرز.
المهم المهندس المصري اللي كان بيعمل الStand الخشب قابلته عشان اقوله انا محتاج ايه توصيلات وفتحات للsensors وبتاع .
بعد كدا كان بيتفرج عليا وانا بركب الحاجه والتوصيلات ، انا لما عرفتو بنفسي قولتلو اني مهندس برمجيات ، لما شافني بعمل الحاجات دي قاللي انت اساساً مهندس كهربا مش كدا ؟
قولتلو لأ انا مهندس برمجيات ، قاللي بس دا شغل مهندسين كهربا ، قولتلو مانا لما احتاجت اعرف الحاجات دي عشان ضروريه لشغلي ذاكرتها وقريت عالنت والمعلومات متاحه للجميع بس اللي يدور.
قاللي ماشاء الله عليك انت جامعة ايه قولتلو طنطا قاللي دفعة كام قولتلو ٢٠١٠ 😀
قاللي تعرف فلان دفعتك 😀 قولتلو والله انا جامعه طنطا ودفعة ٢٠١٠ بس مش كليه هندسة 😀
قاللي امال كليه ايه؟ قولتله طب !
افتكرني بهزر طبعاً بس بعد شويه من الشد والجذب وريته كارنيه نقابة الاطباء قاللي “ياحبيبي ! ،ربنا يوفقك”
البرنامج وال Stand كانوا المفروض يشتغلو فترة رمضان اللي فات بس في عمان ودبي وابوظبي، لكن عشان حققو نجاح والناس حبت الفكرة . الStand دلوقتي موجود بصفة دايمه في معرض سيارات نيسان في ابوظبي ومعرض سيارات نيسان في الدوحة ومعرض سيارات نيسان في جدة .
البرنامج والاجهزه الالكترونيه الملحقة بيه من تصميمي وتنفيذي وتركيبي . الحمد لله
المشروع اول ما خدته اصلاً كنت خايف جدا ومكنتش عايزه يرسى عالشركه بتاعتنا عشان اكبر مني بكتير ، مكنتش فعلاً عندي خبره في الحاجات دي خالص ! بس بعد اما رسي على الشركة و عملته ووصل للي هو فيه دلوقتي حسيت قد ايه ان الواحد لازم يخرج من ال comfort zone بتاعته عشان يعرف يحقق حاجات اكتر ، وان عمر الواحد ما هيكبر طول ما هو مستريح في اللي بيعرف يعمله و مبيتعلمش غيره وان مش معنى ان الواحد معاه شهادة في حاجه وبيفهم في مجال تاني خالص انه مش هيعرف يتوغل في مجال تالت جديد ويبقى شاطر فيه ،
ان شاء الله المرة الجايه اتكلم عن Adidas Stand -Dubai Mall
